गोवा मार्केट अॅक्सेस एक्स्पो स्टार्टअप टेस्टबेड म्हणून राज्याच्या उदयावर टाकतोय प्रकाश

गोवा खबर : शंभराहून अधिक निवडक स्टार्टअप्सच्या उर्जेसह, गोवा मार्केट अॅक्सेस एक्स्पो २०२५ हा भारताची क्रिएटिव्ह आणि इनोव्हेशन कॅपिटल म्हणून स्वतःला स्थापित करण्याच्या राज्याच्या प्रवासात एक निर्णायक क्षण ठरला आहे. गोवा सरकारच्या माहिती तंत्रज्ञान, इलेक्ट्रॉनिक्स आणि कम्युनिकेशन्स (डीआयटीईसी) अंतर्गत स्टार्टअप आणि आयटी प्रमोशन सेलद्वारे (एसआयटीपीसी) आयोजित या कार्यक्रमात स्टार्टअप्सना विविध विभाग आणि उद्योगातील सरकारी अधिकाऱ्यांशी जोडले गेले.

एक्स्पोचे उद्घाटन मुख्यमंत्री डॉ. प्रमोद सावंत यांनी पर्यटन, आयटीई अॅड सी आणि प्रिंटिंग आणि स्टेशनरी मंत्री रोहन खंवटे, मुख्य सचिव डॉ. व्ही. कांदवेलु, डीआयटीई अँड सीचे संचालक, कबीर शिरगावकर, इन्फोटेक कॉर्पोरेशन ऑफ गोवा लिमिटेडचे व्यवस्थापकीय संचालक, प्रवीण वळवटकर आणि स्टार्टअप अँड आयटी प्रमोशन सेलचे सीईओ डी. एस. प्रशांत यांच्या उपस्थितीत केले. या मेळाव्याला संबोधित करताना मुख्यमंत्री डॉ. प्रमोद सावंत यांनी गोव्याच्या धोरणांना स्टार्टअप इंडिया आणि डिजिटल इंडिया सारख्या राष्ट्रीय मोहिमांशी जुळवून घेण्याबद्दल सांगितले.

गोव्यात आता ६३५ डीपीआयआयटी नोंदणीकृत स्टार्टअप्स आहेत, ज्यापैकी १४७ लाभार्थ्यांना ३.९ कोटी रुपयांचे अनुदान आधीच वितरित केले गेले आहे. कोणत्याही स्टार्टअपच्या वाढीसाठी आवश्यक असलेल्या तीन गोष्टी -मार्गदर्शन, बाजारपेठ प्रवेश आणि गती प्रदान करण्यावर आम्ही लक्ष केंद्रित करतो. आमचे प्रयत्न केवळ गोव्याच्या विकासासाठीच नाही तर आत्मनिर्भर भारतालाही हातभार लावण्यासाठी आहेत. या दृष्टिकोनाला पाठिंबा देण्यासाठी, आम्ही एक जागतिक क्षमता केंद्र स्थापन करत आहोत, जे आयटी कंपन्या, स्टार्टअप्स आणि उदयोन्मुख उद्योगांना वाढण्यासाठी आणि यशस्वी करण्यासाठी आवश्यक असलेल्या पायाभूत सुविधा, समर्थन आणि व्यवसाय करण्याची सोय प्रदान करेल, असे ते म्हणाले.

खंवटे यांनी अशा उपक्रमांमागील व्यापक दृष्टिकोन अधोरेखित केला. आमचे उद्दिष्ट गोव्याला भारताची सर्जनशील राजधानी म्हणून स्थान देणे आहे. हे एक्स्पो येथे प्रतिभा आणि नाविन्याची रूजवण घालणारी एक खिडकी आहे. गोवा केवळ स्टार्टअप्सना आकर्षित करत नाही, तर त्यांना उद्देशाने उभारणी करण्यासाठी एक व्यासपीठ देत आहे, असे त्यांनी नमूद केले.

एका आगळ्यावेगळ्या चर्चासत्रामध्ये कोको लेनीचे संस्थापक अर्जुन सागर यांनी भावना व्यक्त केली की, “गोवा हे सर्जनशीलतेचे स्थान आहे. मी जगात इतर कुठेही माझे स्टार्टअप बांधले नसते.”

मंत्री खंवटे यांनी गोव्याच्या स्टार्टअप आणि डिजिटल परिवर्तन रोडमॅप अंतर्गत आणल्या जाणाऱ्या नवीन योजनांबद्दल सांगितले. डिजिटल महिला सशक्तीकरण आणि ड्रोन दीदी योजनांद्वारे महिलांना सक्षम बनवणे असो, किंवा सार्वजनिक सेवा वाढविण्यासाठी गोवा ऑनलाइनवर एआय-चालित चॅटबॉट्स सुरू करणे असो, आमचे लक्ष नवोपक्रम सुलभ आणि समावेशक बनवण्यावर आहे. असे ते म्हणाले. ड्रोन दीदी योजना, विशेषतः ग्रामीण महिलांना शेती आणि त्यापलीकडे वापरण्यासाठी ड्रोन ऑपरेशन्समध्ये कौशल्य देणे हे उद्दिष्ट ठेवते.

मुख्यमंत्री डॉ. प्रमोद सावंत आणि खंवटे यांच्यासह एक्स्पोच्या क्युरेटेड वॉकथ्रूने स्टार्टअप्सना त्यांच्याशी थेट संवाद साधण्याची संधी दिली. सहभागी स्टार्टअप्सशी अनेक वरिष्ठ सरकारी अधिकाऱ्यांशीही संवाद साधला, ज्यात परिवहन संचालक पी. प्रविमल अभिषेक, आयएएस; प्रधान मुख्य वनसंरक्षक कमल दत्ता, आयएफएस; कॅप्टन ऑफ पोर्टसचे ऑक्टाव्हियो ए. रॉड्रिग्ज; कौशल्य विकास आणि उद्योजकता संचालक एस. एस. गावकर; दक्षिण गोव्याच्या जिल्हाधिकारी एग्ना क्लीटस, आयएएस, आणि मुख्य विद्युत अभियंता स्टीफन फर्नांडिस, विविध विभागांचे इतर अधिकारी यांचा समावेश होता. नेटवर्किंग सत्रामुळे नवोन्मेषक आणि खात्यामधील अर्थपूर्ण संवादाला चालना मिळाली, ज्यामुळे संभाव्य प्रात्यक्षिक प्रकल्प आणि सहकार्यासाठी याद्वारे दरवाजे उघडले.

दृश्यमानता, प्रमाणीकरण आणि प्रवेशासाठी एक सुव्यवस्थित व्यासपीठ देऊन, गोवा मार्केट अॅक्सेस एक्स्पो २०२५ने राज्याच्या नाविन्यपूर्ण अशा परिसंस्थेत सतत गुंतवणूक करत असल्याचे प्रतिबिंबित केले.

गोवा एक स्टार्टअप-अनुकूल राज्य म्हणून गती निर्माण करत असताना, एक्स्पोने संस्थापकांना सक्षम बनविण्याची, नवोन्मेषाला गती देण्याची आणि राज्याला भारताची सर्जनशील व नाविन्यपूर्णतेची राजधानी बनवण्याची आपली वचनबद्धता पुन्हा एकदा अधोरेखित केली.