गोवा खबर : राज्यपाल पी. एस. श्रीधरन पिल्लई यांनी आज त्यांच्या “खुशाल कल्याण यात्रे” च्या तिसऱ्या फेरीत दक्षिण गोव्यातील पाच पवित्र स्थळांना भेट दिली. राज्यपाल लवकरच उर्वरित सर्व तालुक्यांमधील इतर विविध पवित्र स्थळांना भेट देणार आहेत.
राज्यपालांनी बाळ्ळी येथील श्री शांतादुर्गा बाळ्ळीकरीण मंदिराचे दर्शन घेऊन आपल्या यात्रेची सुरुवात केली. विरोधी पक्षनेते श्री युरी आलेमाव आणि आमदार अल्टोन डी’कोस्टा यांनी राज्यपालांचे स्वागत केले.
नंतर, राज्यपाल पी एस श्रीधरन पिल्लई आणि गोव्याच्या प्रथम महिला रीता श्रीधरन पिल्लई यांनी श्री शांतादुर्गा बाळ्ळीकारीण मंदिरात प्रार्थना केली.
देवस्थानाच्या वतीने राज्यपालांचा शाल, श्रीफळ आणि स्मृतिचिन्ह देऊन सत्कार करण्यात आला. राज्यपालांनी यावेळी देवस्थान समितीच्या अध्यक्षांना ५०,००० रुपयांचा धनादेश प्रदान केला.
देवस्थानाच्यावतीने श्री शांतादुर्गा बाळ्ळीकरीण मंदिराचे अध्यक्ष संकेत फळदेसाई यांनी त्यांचे स्वागत केले. यावेळी सचिव विजय फळदेसाई, खजिनदार मितील फळदेसाई, वकील विदेश फळदेसाई आणि इतर समिती सदस्य, सरपंच गोविंद फळदेसाई उपस्थित होते.
माशे येथील श्री निरंकार देवालय येथे आगमन झाल्यावर गोवा विधानसभेचे सभापती रमेश तवडकर यांनी राज्यपालांचे स्वागत केले. यावेळी माशे ग्रामपंचायतीच्या सरपंच निशा चारी, देवस्थानचे अध्यक्ष रामकृष्ण प्रभू गावकर, भूषण प्रभू गावकर, माधव प्रभू गावकर आदींनीही राज्यपालांचे स्वागत केले.
तद्नंतर राज्यपालांनी माशे येथील मनो शोभा कलाघरला भेट दिली. यावेळी संदेश प्रभू देसाई यांनी कलाघराच्या कामकाजाची सविस्तर माहिती दिली. प्रभू देसाई यांनी कलाघर हे असे ठिकाण आहे जिथे सर्व कलाप्रकारांचे उत्सव होतात.
राज्यपालांनी काणकोम येथील हुतात्मा स्मारकावर पुष्पहार अर्पण केला आणि नंतर ८०० वर्षे जुन्या जीर्णोद्धार केलेल्या श्री बेताळ देवालयाला भेट दिली आणि प्रार्थना केली. गोवा विधानसभेचे सभापती रमेश तवडकर, सरपंच सविता तवडकर, देवस्थानचे अध्यक्ष हरीश प्रभू गावकर आणि इतर समिती सदस्यांसह प्रमुख नागरिक उपस्थित होते.
राज्यपालांनी नंतर कुंकळी येथील देमानी येथील पोलीस स्टेशनजवळील जमातुल मुस्लिमीन सुन्नी जामिया मशिदीला भेट दिली. विरोधी पक्षनेते श्री युरी आलेमाव, कुंकळीचे नगराध्यक्ष लेंडरी मस्कारेन्हास आणि जमातुल मशिदीचे अध्यक्ष शाह शबीर, उपाध्यक्ष शेख अब्दुल रौफ, सचिव शेख रफाज, कोषाध्यक्ष शेख सुलेमान आणि इतरांनी राज्यपालांचे स्वागत केले.
जमातुल मुस्लिमीन सुन्नी जामिया मशिदीच्या व्यवस्थापन समितीच्यावतीने राज्यपालांचा शाल आणि स्मृतिचिन्ह देऊन सत्कार करण्यात आला.
तद्नंतर, राज्यपालांनी कुंकळी येथील अवर लेडी ऑफ हेल्थ चर्चला भेट दिली जिथे राज्यपाल पीएस श्रीधरन पिल्लई आणि गोव्याच्या पहिल्या महिला श्रीमती रीता श्रीधरन पिल्लई यांनी अवर लेडी ऑफ हेल्थ चर्चमध्ये प्रार्थना केली.
खुशाल कल्याण यात्रेत राज्यपाल गोव्यातील लोक आणि राष्ट्राच्या शांतता, आनंद आणि कल्याणासाठी प्रार्थना करीत आहेत.
राज्यपालांसोबत राज्यपालांचे सचिव संजीव गांवस देसाई, राज्यपालांचे विशेष अधिकारी आर. मिहिर वर्धन, इतिहासकार संजीव सरदेसाई आणि राज्यपालांच्या कार्यालयाचे अधिकारी ए. कल्याण हर्ष आणि इतर मान्यवर होते.
