गोवा खबर : फुडल्या काळात आणीबाणीच्या परिस्थिती तयार जाली तर तिका फूडो करपाक सज्ज जावचे हे खातीर देशभरांत मॉक ड्रिल घडोवन हाडल्यात. दक्षिण गोंयच्या दाबोली विमानतळ, वास्कोच्या आयओसी आगर आणि मडगांवच्या रेल्वे स्टेशनाचेर हे निमतान आपत्कालीन प्रात्यक्षिका जातली. दक्षिण गोंयच्यो जिल्होधिकारी एगना क्लिटस हांणी ही माहिती दिली. ही प्रत्यक्षिका चालू असताना कांय काळा खातीर तिनूय सुवातींनी ब्लॅकआउट लागू करतले अशी म्हायती ताणी दिली.
ह्या तीन सुवातींचेर मुखेल लक्ष आसलें तरी दक्षिण गोंय जिल्ह्यांत खंयच्याय सुवातेर अशे प्रात्यक्षिका जावंक शकतात, आनी ते खातीर जिल्ह्यांतलें पुराय प्रशासन तयार दवरतले अशी म्हायती क्लिटस हांणी दिली. सांजवेळा 4 वरां उपरांत ह्यो ड्रिल सुरू जातली अशें तांणी सांगलें.
जंय आपत्कालीन ड्रिल करतात थंय सुरवेक सायरन वाजयतले, आनी आस्थापनांतल्या सगळ्या लोकांक भायर काडटले आनी आपत्कालीन सेवा आस्थापनाचेर नियंत्रण दवरतली. जंय ब्लॅकआउट जाहीर केल्यात थंय लागसारच्या रस्त्यांचेरूय काळोख जातलो. सुमार एक वर काळ ब्लॅकआउट जावपाची शक्यताय तांणी उक्तायली. त्या वाठारांत कांय काळा खातीर येरादारीचेरूय कांय निर्बंध आसतले अशें तांणी सांगलें. आपत्कालीन सेवां खातीर जाय आशिल्ल्या सगळ्या अधिकाऱ्यांचो ह्या निदर्शनांत आस्पाव जातलो अशी म्हायती दिली.
