गोवा खबर
रोममध्ये पार पडली भारत-इटली लष्करी सहकार्य गटाची तेरावी बैठक
गोवा खबर : भारत-इटली लष्करी सहकार्य गटाची (एमसीजी) तेरावी बैठक 20-21 मार्च 2025 रोजी इटलीची राजधानी रोम येथे यशस्वीरित्या पार पडली. भारताचे प्रतिनिधित्व करणारे मुख्यालय एकात्मिक संरक्षण कर्मचारी (एचक्यू आयडीएस) चे उप-सहायक प्रमुख आयडीसी (ए) आणि इटलीचे प्रतिनिधित्व करणारे इटालियन संरक्षण जनरल स्टाफच्या धोरणात्मक दिशानिर्देश आणि लष्करी सहकार्य विभागाचे उप-प्रमुख यांनी या बैठकीचे सह-अध्यक्षपद भूषवले.
VXC9.jpg)
या बैठकीतील चर्चा द्विपक्षीय लष्कर-केंद्रित सहकार्याची व्याप्ती वाढवण्यासाठी नवीन मार्गांचा मागोवा घेण्यावर केंद्रित होती. बैठकीच्या प्रमुख मुद्द्यांमध्ये वर्धित विनिमय कार्यक्रम, क्षमता विकास प्रयत्न तसेच भारतीय आणि इटालियन सशस्त्र दलांमधील सहकार्य मजबूत करणे यांचा समावेश होता. या बैठकीत सध्या अस्तित्वात असलेल्या संरक्षण गुंतवणूकीचा आढावा, त्याच्या प्रगतीचे मूल्यांकन आणि भविष्यातील परस्पर संवादांला अनुकूल करणाऱ्या पर्यांयांचाही आढावा घेण्यात आला.
दोन्ही राष्ट्रांच्या सशस्त्र दलांमधील संरक्षण सहकार्य वाढविण्यासाठी, लष्करांचे परस्पर संबंध मजबूत करण्यासाठी आणि धोरणात्मक सहकार्याला चालना देण्यासाठी लष्करी सहकार्य गट एक प्रमुख संस्थात्मक यंत्रणा म्हणून काम करतो.