मंत्री खंवटे यांच्याकडून आयडीयाज ३.० मध्ये तरुणांना नोकरी निर्माण करण्यास प्रोत्साहन

गोवा खबर : वेर्णा येथील पाद्रे कॉसेसाव कॉलेज ऑफ इंजिनीअरिंग (पीसीसीई) यांनी २४ आणि २५ जानेवारी रोजी आयडियाज ३.० – २०२५ या आंतर महाविद्यालयीन प्रकल्प स्पर्धेचे आयोजन केले होते. या दोन दिवसीय कार्यक्रमात विज्ञान, नाविन्यता आणि अत्याधुनिक तंत्रज्ञानाचे मिश्रण असलेल्या प्रकल्पांच्या प्रदर्शनांसह, सर्जनशीलता आणि नवकल्पना साजरी करण्यात आली.

या उद्घाटन समारंभाला गोवा सरकारचे पर्यटन, माहिती तंत्रज्ञान, इलेक्ट्रॉनिक्स आणि कम्युनिकेशन्स मंत्री रोहन खंवटे, स्टार्टअप आणि आयटी प्रमोशन सेलचे सीईओ डी. एस. प्रशांत;  मंत्र्यांचे ओएसडी नेविल नोरोन्हा; पीसीसीईचे प्रा. डॉ. महेश परप्पागौदर आणि आग्नेल तंत्रशिक्षण संकुलाचे संचालक फा. आग्नेलो गोम्स यांच्यासह इतर मान्यवर उपस्थित होते.

यावेळी उपस्थितांना संबोधित करताना, गोवा सरकारचे माननीय पर्यटन, माहिती तंत्रज्ञान, इलेक्ट्रॉनिक्स आणि कम्युनिकेशन्स मंत्री खंवटे म्हणाले, पाद्रे कॉसेसाव कॉलेज ऑफ इंजिनीअरिंगद्वारे आयोजित केलेल्या आयडियाज २०२५ मध्ये प्रदर्शित केलेल्या सर्जनशील आणि नाविन्यपूर्ण कार्यक्रमांचे साक्षीदार होणे, हे खरोखरच प्रेरणादायी आहे.

तंत्रज्ञान अधिक विकसित होत असून येथे सादर केलेला अग्रेषित-विचारांचा दृष्टीकोन, हा गोव्यातील तरुणांच्या, नवीन कल्पनांसह उपलब्धीच्या नवीन स्तरांवर पोहोचण्याच्या त्यांच्या क्षमतेवर प्रकाश टाकतो. आमच्या स्टार्टअप आणि आयटी धोरणांद्वारे, आम्ही विद्यार्थ्यांना त्यांच्या कल्पनांना चालना देण्यासाठी आर्थिक सहाय्य प्रदान करून पाठींबा देत आहोत. मुलींसाठी विशेष योजना सुरू करण्यात आल्या आहेत, ज्यामुळे त्यांना अशा मंचावर प्रवेश मिळू शकेल ज्यातून त्यांना नवनवीन कार्यात उत्कृष्टता साध्य करता येईल.

विकसित भारत २०४७ साठी काम करत असताना, आम्ही डिजिटल इंडिया आणि डिजिटल गोवा तयार करण्यावर देखील लक्ष केंद्रित केले आहे. मजबूत कनेक्टिव्हीटी आणि पायाभूत सुविधांसह, आम्ही असे वातावरण तयार करत आहोत, जिथे तुमच्यासारखी तरुण मने गोव्यात राहून यशस्वी उपक्रम उभारू शकतील. तंत्रज्ञान क्षेत्रातील संधींचा फायदा घेऊन, युवावर्गाला नोकरी शोधणाऱ्यांपासून, नोकरी देणाऱ्यामध्ये बदलणे, हे आमचे ध्येय आहे. एकत्र काम करूनच हा उद्देश साध्य होऊ शकतो.”

सुरुवातीला, १०० नाविन्यपूर्ण अश्या कल्पना मांडण्यात आल्या आणि शॉर्टलिस्टिंगच्या अनेक टप्प्यांनंतर, पीसीसीईने कार्यक्रमात प्रदर्शित करण्यासाठी ३० प्रकल्प निवडले. सुमारे ६० उच्च माध्यमिक आणि माध्यमिक विद्यालयांना आमंत्रित करण्यात आले होते. संपूर्ण गोव्यातील शालेय मुलांनी सुमारे ४८ प्रकल्प प्रदर्शित केले. विद्यार्थ्यांनी ३० दिवसांच्या कालावधीत, गोव्याच्या तरुण मनाची क्षमता दाखवून त्यांच्या संकल्पनांचे, रूपांतर उपाय व प्रकल्पांमध्ये केले. यातील काही प्रकल्पांमध्ये एरो-स्विफ्ट, जीएलएस किंग, हॉवरक्राफ्ट आणि विद्यार्थ्यांची वैविध्यपूर्ण सर्जनशीलता प्रतिबिंबित करणारे, तंत्रज्ञानाचे नाविन्यपूर्ण असे अनुप्रयोग समाविष्ट होते.

या कार्यक्रमात प्रकल्प प्रदर्शनाव्यतिरिक्त, शालेय आणि उच्च माध्यमिक विद्यार्थ्यांसाठी चार आकर्षक अशा स्पर्धांचा समावेश होता: सायन्स एक्स्पो, बीजीआयएम, एआर/व्हीआर क्रिकेट आणि ब्रेनियेक बॅटल. डिझाईन थिंकिंग, कल्पना निर्मिती आणि बिझनेस मॉडेल कॅनव्हास या विषयांवर कार्यशाळा देखील आयोजित करण्यात आल्या, ज्यात सहभागींना उद्योजकता आणि व्यवसाय विकासाबाबत मौल्यवान अंतर्दृष्टी देण्यात आली. या दोन दिवसांच्या कार्यक्रमाने विद्यार्थी, प्राध्यापक आणि माजी विद्यार्थ्यांसाठी मार्गदर्शक, गुंतवणूकदार आणि उद्योग व्यावसायिकांशी जोडले जाण्यासाठी, एक अनोखे व्यासपीठ प्रदान केले आणि त्यांना उद्योग मानकांबद्दल अनुभव दिला.

विद्यार्थ्यांना त्यांच्या प्रकल्पांमध्ये शाश्वत उद्दिष्टे समाविष्ट करण्यास प्रोत्साहित करण्यात आले. तसेच त्यांच्या कल्पनांना पर्यावरणीय समस्या आणि दैनंदिन जीवनातील व्यावहारिक अनुप्रयोगांसह संरेखित करण्यास सांगण्यात आले.