सचिन तेंडुलकर राज्यसभेत हजर

0
922

क्रिकेटमधील विक्रमादित्य, भारतरत्न सचिन तेंडुलकरनं आज बऱ्याच दिवसांनी राज्यसभेत हजेरी लावली.  त्याच्या उपस्थितीनं अनेकांचं लक्ष वेधून घेतलं.समाजवादी पक्षाचे नेते नरेश अग्रवाल यांनी मंगळवारीच सचिन तेंडुलकर आणि अभिनेत्री रेखा यांना लक्ष्य केलं होतं. या दोघांच्या राज्यसभेतील अनुपस्थितीकडे लक्ष वेधत, विजय मल्ल्याप्रमाणे दोघांनाही निलंबित करण्याची मागणी त्यांनी केली होती. त्यानंतर आज लगेचच सचिननं राज्यसभा गाठली. सचिनप्रमाणेच बॉक्सिंग क्वीन मेरी कोमही संसदेत उपस्थित होती.२०१२ पासून सचिन तेंडुलकर राज्यसभेचा सदस्य आहे. तेव्हापासून ३४८ दिवसांच्या कामकाजापैकी तो फक्त २३ दिवस सभागृहात हजर राहिलाय, तर रेखा फक्त १८ दिवस राज्यसभेत दिसल्यात. त्यावरून त्यांच्यावर याआधीही बऱ्याचदा टीका झाली आहे, परंतु त्यानंतरही त्यांच्या दांड्या कमी झालेल्या नाहीत.