बँकांमध्ये आता पाच दिवसांचा आठवडा

0
1140

बँकांच्या कामकाजाच्या वेळा लवकरच बदलण्याची शक्यता असून यापुढं बँका आठवड्यातून केवळ पाच दिवस सुरू राहणार आहेत. पाच दिवसांच्या आठवड्यामुळं कमी होणारे कामाचे तास भरून काढण्यासाठी बँका रोज सकाळी अर्धा तास आधी म्हणजेच, ९.३० वाजता उघडणार असून सायंकाळी ४ वाजता बंद होणार आहेत. याबाबतच्या प्रस्तावावर सरकार गंभीरपणे विचार करत आहे.

इंडियन बँक्स असोसिएशन (आयबीए) आणि बँक कर्मचारी संघटनांमध्ये बँक कर्मचाऱ्यांसाठी पाच दिवसाचा आठवडा करण्याबाबत प्राथमिक चर्चाही झाली आहे. या महिन्यात या दोन्ही संघटनांमध्ये दुसऱ्या टप्प्यातील चर्चा होऊन अंतिम निर्णय होणार आहे. सध्या प्रत्येक बँक कर्मचारी साधारणपणे साडे सहा तास काम करत असतो.