केंद्रीय मंत्रिमंडळाचा विस्तार रविवारी

0
948

केंद्रीय मंत्रिमंडळाचा रविवारी विस्तार करण्यात येणार आहे. राष्ट्रपती भवनात सकाळी १० वाजता हा केंद्र सरकारच्या नव्या मंत्र्यांचा शपथविधी होणार आहे. या मंत्रिमंडळ विस्तारात जनता दल (यु) आणि अण्णाद्रमुकच्या नेत्यांची वर्णी लागण्याची शक्यता आहे. भाजपच्या नेतृत्वातील एनडीए आघाडी सत्तेत आल्यानंतर तिसऱ्यांदा मंत्रिमंडळाचा विस्तार करण्यात येत आहे.गुरूवारी रात्री पंतप्रधान नरेंद्र मोदी आणि भाजप अध्यक्ष अमित शहा यांच्यात बैठक पार पडली. या बैठकीत मंत्रिमंडळाच्या विस्ताराला आणि खातेबदलावर अंतिम निर्णय झाला असल्याची माहिती सूत्रांनी दिली. गुरूवारी रात्री पाच मंत्र्यांनी आपल्या मंत्रिपदाचे राजीनामे दिले. आगामी काही राज्यात होणाऱ्या विधानसभेच्या निवडणुका आणि २०१९ साली होणारी लोकसभेची निवडणूक लक्षात घेऊन हा मंत्रिमंडळ होणार असल्याची चर्चा सुरू आहे.  मनोहर पर्रिकर गोव्याच्या राजकारणात पुन्हा गेल्याने संरक्षण खात्याचा भार अर्थमंत्री अरुण जेटली यांच्याकडे आहे. तर, व्यंकय्या नायडू उपराष्ट्रपती झाल्यामुळे त्यांच्याकडे असणाऱ्या माहिती प्रसारण खात्याचा भार स्मृति इराणी यांच्याकडे आहे. तर अनिल दवे यांच्या मृत्यूमुळे पर्यावरण मंत्रायलयाची जबाबदारी हर्षवर्धन यांच्याकडे आहे. रेल्वे मंत्रालयाची जबाबदारी नितीन गडकरी यांच्याकडे येणार असल्याची जोरदार चर्चा सुरू आहे.