उपमुख्यमंत्रीपदी ढवळीकर आणि सरदेसाई यांची नियुक्ती; सरकारी आदेश जारी

0
867
गोवा खबर: मुख्यमंत्री प्रमोद सावंत यांच्या नेतृत्वाखालील सरकार मध्ये मगोचे सुदिन ढवळीकर आणि गोवा फॉरवर्डचे विजय सरदेसाई यांची उपमुख्यमंत्री म्हणून नियुक्ती करण्यात आली आहे.  भाजपा आघाडी सरकार स्थिर रहावे यासाठी दोन मुख्यमंत्र्यांचा फॉर्म्युला भाजपने स्वीकारला आहे.
भाजपने प्रमोद सावंत हे मुख्यमंत्रीपदाची शपथ घेताना विजय सरदेसाई आणि सुदिन ढवळीकर यांना उपमुख्यमंत्रीपदे देण्यात आली असल्याची घोषणा करण्यात आली होती.आज सायंकाळी त्याचा आदेश जारी करण्यात आला.
दरम्यान, मुख्यमंत्री प्रमोद सावंत यांनी विश्वासदर्शक ठराव जिंकला आहे. सावंत यांच्या बाजूनं 20 आमदारांनी मतदान केलं. तर 15 जण त्यांच्या विरोधात गेले.
 त्यामुळे सावंत यांच्या मुख्यमंत्रिपदावर शिक्कामोर्तब झालं आहे. महाराष्ट्र गोमांतक, गोवा फॉरवर्ड आणि अपक्षांनी साथ दिल्यानं सावंत यांनी विश्वासदर्शक ठराव जिंकला.
मनोहर पर्रीकर यांच्या निधनानं भाजपानंप्रमोद सावंत यांची मुख्यमंत्रीपदी निवड केली. हे पद कायम राखण्यासाठी सावंत यांना विश्वासदर्शक ठराव जिंकणं गरजेचं होतं. विश्वासदर्शक ठरावाच्या बाजूनं 20 आमदारांनी मतदान केल्यानं सावंत यांचं मुख्यमंत्रिपद कायम राहणार आहे.
भाजपाच्या 11, महाराष्ट्र गोमांतकच्या 3, गोवा फॉरवर्डच्या 3 आमदारांसह 3 अपक्षांनी विश्वासदर्शक ठरावाच्या बाजूनं मतदान केलं. तर काँग्रेसच्या 14, एनसीपी (चर्चिल आलेमाव) एका आमदारानं ठरावाच्या विरोधात मतदान केलं.