फोर अन्युअल फोरमसाठी डिफिकल्ट डायलॉग्सची ऑक्सफर्डसोबत भागीदारी

0
495

 

एज्युकेशन’ या थीमवर यंदा जागतिक विशेषतज्ज्ञ करणार बातचीत

 

 

गोवा खबर:शिक्षण, धोरण निर्माते आणि प्रसिद्ध व्यक्तिमत्त्व क्षेत्रातील अग्रगण्य डोमेन विशेषज्ञ जानेवारीच्या अखेरीस गोवामध्ये दक्षिण आशियासमोर असलेल्या सर्वात महत्वाच्या समस्या हाताळणार्‍या ‘डिफिकल्ट डायलॉग्ल फोरम’ या वार्षिक परिषदेसाठी एकत्रित येणार आहेत. ही परिषद दोनापावला येथील इंटरनॅशनल सेंटर गोवा (आयसीजी) आणि गोवा विद्यापीठात  31 जानेवारी ते 2 फेब्रुवारी 2019 या कालावधीत होणार आहे.

 

या परिषदेचे हे चौथे वर्ष असून मागच्या वर्षी ‘जागतिकीकृत जग, आरोग्य आणि लैंगिक समानतेमध्ये भारताचे स्थान’ या विषयावर चर्चा करण्यात आली. यंदा ‘एज्युकेशन ः इल्युमिनेटिंग माइड फॅक्ट्स’ हा विषय चर्चेसाठी निवडण्यात आला आहे. या वर्षिक इव्हेंटचे जनक फिलाथ्रोपिस्ट सुरिना नरूला यंदा इंटरनॅशनल युनिव्हर्सिटिज ऑक्सफर्ड (युके) तसेच स्थानिक ज्ञान भागीदार म्हणून गोवा विद्यापीठ, द इंटरनॅशनल सेंटर गोवा आणि ब्रुकिंग्स इंडिया सोबत भागीदारी करणार आहेत.

 

स्वातंत्र्यानंतर, प्रामुख्या 1964 पासून कोठारी कमिशन, भारत सरकार यांनी देशातील शैक्षणिक व्यवस्थेत सुधारणा आणण्यासाठी आणि ती विकसित करण्याच्या दृष्टीकोनातून अनेक पावले उचलली आहेत. शैक्षणिक क्षेत्रासंबंधी छोट्या समस्यांची यादी सांगताना सार्वजनिक खर्चाची कमी पातळी; जातीय अल्पसंख्याक आणि मुली / महिला यांच्या शिक्षणासाठी आव्हाने; गुणवत्ता; गरीब प्रशासन आणि व्यवस्थापन; राज्य तसेच राष्ट्रीय पातळीवर शिक्षणाकडे अपर्याप्त चिंता इ. समस्या सांगता येतात. खरे तर कोठारी आयोगाने शिक्षणावर शिफारस केलेला 6 टक्के खर्च अजूनही भारताला साध्य करता आलेला नाही.

 

भारतामध्ये लवकरच जगातील सर्वात अधिक तरुण लोकसंख्या असेल आणि त्यामुळे शिक्षणावर सार्वजनिक खर्च वाढवण्याची तीव्र गरज आहे. कारण बर्‍याच वर्षांपासून सार्वजनिक शिक्षण कमजोर झाले आहे आणि शिक्षण क्षेत्रात खाजगी क्षेत्राने शिरकाव केला आहे. अभ्यास असा सांगतो की कमी उत्पन्न असलेली कुटुंबेदेखील आपल्या मुलांना खासगी शाळांमध्ये पाठविण्यास प्राधान्य देतात. हीच परिस्थितीत कॉलेज शिक्षणामध्ये आढळते, जिथे जवळजवळ 70 टक्के विद्यार्थ्यांतर्फे खासगी संस्थांमध्ये नोंदणी केली जाते.

 

जेंडर गॅप रीपोर्ट 2017 नुसार, जे शिक्षणास महत्त्वपूर्ण निकष मानण्याचे एक मापदंड मानले जाते, लिंग समतुल्य निर्देशांक शैक्षणिक प्राप्तीमध्ये 144 देशातून भारत 112 व्या स्थानावर आहे.

 

लिंग समतुल्य निर्देशांकासाठी शैक्षणिक प्राप्तीवर 144 देशांच्या 112 पैकी 112 जागा आहेत. एकूणच, भारतीय किशोरवयीन मुलांपैकी 40% माध्यमिक शाळांमध्ये प्रवेश मिळवतात (ग्रेड 10-12). 10 पैकी 1 युवकालाच उच्च शिक्षण मिळवता येते. ब्रीक्स राष्ट्रांमध्ये भारत शिक्षणावर सर्वात कमी पैसे खर्च करणारा देश आहे. शिक्षणाची सध्य स्थिती लक्षात घेता भारताचे शैक्षणिक क्षेत्राला वाचविण्यासाठी आणि त्याला उत्कृष्टतेच्या मार्गावर आणण्यासाठी काय केले जाऊ शकते यावर  ‘डिफिकल्ट डायलॉग्स 2019’ लक्ष केंद्रित करणार आहे.

 

या परिषदेत सहभागी होणार्‍या काही प्रमुख्य वक्त्यांमध्ये ऑक्सफर्ड विद्यापीठाच्या शिक्षण विभागाचे डॉ. डेव्हिड मिल्स, कॅम्ब्रिज विद्यापीठाच्या डॉ. आरती श्रीप्रकाश, वर्ल्ड बँक्स लीड हायर एज्युकेशन स्पेशलिस्ट फॉर इंडियाचे फ्रान्सिस्को मारमोलेजो, राज्य सभेचे कॉग्रेसच्या प्रतिनिधी रेणूका चौधरी, टीव्ही पत्रकार बरखा दत्त, आम आदमी पार्टीच्या शिक्षण कार्यकर्त्या आतिशी मार्लेना, युनिव्हर्सिटी ग्रांट्स कमिशन (युजीसी)चे उपाध्यक्ष डॉ. भूषण पटवर्धन, माजी कॅबिनेट मंत्री आरिफ मोहम्मद खान, आयआयटी मुंबईचे माजी संचालक प्रा. अशोक मिश्रा, अहमदाबाद विद्यापीठाचे प्रा. पंकज चंद्रा, दिल्ली विद्यापीठाचे प्रा. शाम मेनन, ‘युएनआयसीईएफ’च्या यास्मिन अली हक, सेंटर फॉर पॉलिसी रीसर्चच्या यामिनी ऐयर.

 

एँगेजिंग पॅनल डिस्कशनचे विषय असतील जागतिक दर्जाची विश्वविद्यालये उभारणे, मूल्य शिक्षण, शिक्षणाचा समावेश, शिक्षण आणि वित्त, प्राथमिक शिक्षण, शैक्षणिक स्वातंत्र्यासाठी नवीन धोके, शिक्षणाचे पुनर्वसन करण्यामध्ये तंत्रज्ञानाची भूमिका, अभ्यासक्रम आणि अध्यापन इ. ‘डेरिंग डीबेट्स’ या विषयावर कॉलेज डिबेट इव्हेंट असणार आहे, ज्या माध्यमातून देशातील विविध शहरातील विद्यार्थी एकत्र येतील. हा इव्हेंट अभिनेत्री आणि वृत्तपत्र स्तंभलेखिका पूजा बेदी घेतला जाईल.

सिव्हिल सोसायटी, मिडिया, ऍकॅडमिक एक्सपर्ट्स, ऍक्टिव्हिस्ट आणि सरकारी तसेच बिगर सरकारी संस्थांसाठी सामाजिक पातळीवर काम करणार्‍या व्यक्तींना ही परिषद एकत्र आणणार आहे. कौशल्याचा विकास करण्यासाठी आणि समाजात समानता व न्याय आणण्यासाठी कशाप्रकारे शिक्षण या साधनाचा उपयोग कशाप्रकारे केला जाऊ शकतो, हा ‘डायलॉग’ सुरू करण्यामागचा मुख्य उद्देश आहे.  या बौद्धिक चर्चेतून निष्पक्ष धोरण कागदपत्रे, नॉन-प्रॉफिट पॉलिसी रिसर्च इन्स्टिट्यूशन, ब्रुकिंग्ज इंडियाच्या परीषदा तयार केल्या जातील.

 

‘डिफिकल्ट डायलॉग्स’ ही सुरिना नरूला यांची संकल्पना आहे. सुरिना नरूला फिलाथ्रोपिस्ट असून युके आणि भारतात त्यांचे काम चालते. त्यांनी केलेल्या धर्मदायी कामासाठी त्यांना 2008 सालचा ब्रिटिश ऑनर, द एमबीई (मेंबर ऑफ द ऑर्डर ऑफ द ब्रिटिश एम्पायर) सन्मान मिळाला आहे. रस्त्यावरील मुलांसाठी कन्सोर्टियमच्या त्या अध्यक्ष आहेत. जयपूर लिट्रेचर फेस्टिव्हलच्या त्या संस्थापक प्रायोजक आणि फेस्टिव्हल सल्लागार असून डीएससी प्राइज फॉर साऊथ एशियन लिट्रेचरच्या त्या सह-संस्थापक आहेत.

 

अधिक माहितीसाठी कृपया www.difficultdialogues.in

 

LEAVE A REPLY

Please enter your comment!
Please enter your name here