भूतानची चीनला चपराक

0
648

 

सिक्कीममधील डोकलाम येथील भूभाग आपला नसल्याचे भूतानने जाहीर केले आहे, असा दावा चीनच्या परराष्ट्र मंत्रालयाने बुधवारी चीनच्या दौ‍ऱ्यावर गेलेल्या भारतीय पत्रकारांच्या चमूसमोर केला होता. हा दावा भूतानने गुरुवारी फेटाळून लावला. भूतानच्या परराष्ट्र मंत्रालयातील अधिका‍ऱ्यांनी वृत्तसंस्थेशी बोलताना सांगितले की, चीनने भूतानच्या भूभागात रस्त्याचे काम सुरू करणे हे उभय देशांमधील कराराचे थेट उल्लंघन असल्याचे भूतानने २९ जून २०१७ रोजीच मंत्रालयाच्या अधिकृत वेबसाइटवर जाहीर केले होते. त्यामुळे तो भूभाग आमचा नाही हे जाहीर करण्याचा प्रश्नच येत नाही.